काठमाडौं । एरिका गुरुङ चीनमा जारी कराते वान प्रिमियर लिगको फाइनलमा प्रवेश गरेकी छन् । शनिबार भएको सेमिफाइनलमा इटलीकी फेराकुट्टी क्लेअलाई ८-३ ले पराजित गर्दै एरिकाले फाइनलमा आफ्नो स्थान सुरक्षित गरेकी हुन् ।
एरिकाले अब उपाधिका लागि कजाखस्तानकी सोफिया बेरुत्सेभासँग खेल्नेछिन् । फाइनल खेल भोलि आइतबार हुनेछ ।
समूहचरणमा लगातार तीन खेल जित्दै क्वाटरफाइनलमा पुगेकी एरिकाले स्लोभाकियाकी मारिया जिबरेत जालालाई ८-० ले पराजित गरेकी थिइन् ।
