काठमाडौं । अर्जेन्टिना फिफा विश्वकप-२०२२ को फाइनलमा प्रवेश गरेको छ । मंगलबार राति भएको पहिलो सेमिफाइनल खेलमा क्रोएसियालाई ३-० गोलले हराउँदै अर्जेन्टिना छैटौंपटक विश्वकपको फाइनलमा पुगेको हो ।
बुधबार बिहान कतारको लुसाइल रंगशालामा भएको खेलमा अर्जेन्टिनालाई जीत दिलाउन जुलियन अल्भारेजले दुई तथा कप्तान लियोनल मेस्सीले एक गोल गरे । मेस्सीले खेलको ३४ औं मिनेटमा पेनाल्टीमार्फत र जुलियनले ३९ र ६९ औं मिनेटमा गोल गरेर टीमलाई जित दिलाएका हुन् ।
अर्जेन्टिनाले अब बिहीबार बिहान हुने दोस्रो सेमिफाइनलको विजेतासँग उपाधिका लागि खेल्नेछ । दोस्रो सेमिफाइनलमा फ्रान्स र मोरक्को भिड्दैछन् ।
