काठमाडौं । साविक विजेता कर्णाली यश्विस एभरेस्ट महिला भलिबल लिगको फाइनलमा पुगेको छ । बुधबार दिउँसो भएको खेलमा मधेश युनाइटेडलाई ३-०को सोझो सेटमा पराजित गर्दै कर्णाली लगातार दोस्रो सिजन फाइनलमा पुगेको हो ।
त्रिपुरेश्वरस्थित राष्ट्रिय खेलकुद परिषद्को कभर्ड हलमा भएको खेलमा कर्णालीले मधेशमाथि २५-१५, २५-१२ र २५-१७ को सहज जित निकालेको हो ।
जेनजी आन्दोलनका कारण रोकिएको प्रतियिगिता आजबाट काठमाडौंमा शुरू भएको हो । यसअघि लिग पोखरामा भएको थियो ।
