काठमाडौं । महाराजगञ्ज चिकित्सा क्याम्पस स्वतन्त्र विद्यार्थी युनियन (स्ववियु) ले सरकारले निजी मेडिकल कलेजहरुमा मात्रै सिट संख्या बढाएको भन्दै आपत्ति जनाएको छ ।
विज्ञप्ति जारी गरी स्ववियुले आर्थिक अवस्था कमजोर भएका जेहेन्दार विद्यार्थीको रोजाइमा पर्ने सरकारी मेडिकल कलेजलाई उकास्नु पर्नेमा निजीलाई मात्र प्राथमिकता दिनु असमान र अन्यायपूर्ण नहुने भन्दै आपत्ति जनाएको हो ।
स्ववियुले सरकारी मेडिकल कलेजहरुको पूर्वाधार र गुणस्तर प्रवद्र्धनमा लगानी गरी आवश्यकता अनुसार सिट वृद्धि गर्नुपर्ने, सिट वृद्धि गर्नुअघि सबै संस्थानको गुणस्तर र पूर्वाधारको उचित मुल्याकंन गर्नुपर्ने र शिक्षा प्रणालीलाई नाफामुखी सोचतर्फ धकेल्ने प्रवृत्ति अन्त्य गरी समान पहुँच तथा अवसर सुनिश्चित गर्नुपर्ने माग राखेको छ ।
