काठमाडौँ । सुनसरीको कप्तानगञ्ज गाउँपालिकाको देवानगंज घटनामा घाइते भएका थप एक जनाको मृत्यु भएको छ । त्रिवि शिक्षण अस्पताल महाराजगंजमा उपचारका क्रममा मंगलबार रवीन्द्र मेहताको मृत्यु भएको रास्वपाका नेता वीरेन्द्र केएमले जानकारी दिएका छन् ।
मेहतासँगै सुनसरीमा मृत्यु हुनेको संख्या तीन पुगेको छ । यसअघि सोही घटनामा घाइते भएका ओमप्रकाश मेहता र जयप्रकाश मेहताको मृत्यु भइसकेको छ । साउन १० गते राति कप्तानगञ्जमा दुई समुदायबीच भएको विवाद हिंसात्मक झडपमा परिणत भएपछि स्थिति नियन्त्रणमा लिन सशस्त्र प्रहरीले गोली चलाएको थियो ।
