एजेन्सी । फिफा विश्वकप-२०२२ मा वेल्स र अमेरिकाले बराबरी खेलेका छन् । सोमबार राति भएको खेलमा वेल्स र अमेरिकाले १-१ गोलको बराबरी खेल्दै अंक बाढेका हुन् ।
अहमेद बिन अलि स्टेडियममा भएको खेलमा वेल्सको लागि ग्यारेथ बेलले गोल गर्दा अमेरिकाको लागि टिमोथी वेहले एक गोल गरे । खेलमा लिएको शुरुवाती अग्रता जोगाउन नसक्दा अमेरिका पराजीत हुन पुग्यो । पहिलो हाफको ३६ औं मिनेटमा पुलिसिकको पासमा वेहले गोल गर्दै अमेरिकालाई शुरुवाती अग्रता दिलाएका थिए ।
८२ औं मिनेटमा बेलले पेनाल्टीमा गोल गर्दै वेल्सको हार टारे । बराबरीसँगै दुवै टोलीले एक-एक अंक बाढेका छन् । यससँगै वेल्स र अमेरिका क्रमश समूह ‘बी’को दोस्रो र तेस्रो स्थानमा रहेका छन् ।
गएरातिनै भएको अर्को खेलमा इंग्ल्याण्डले इरानलाई ६-२ गोलले पराजीत गरेको थियो । जीतसँगै इंग्ल्याण्ड समूह ‘बी’को शीर्ष स्थानमा रहेको छ ।
