काठमाडौं । फिफा विश्वकप-२०२२ को उद्घाटन खेलमा आयोजक कतार पराजीत भएको छ । आइतबार राति भएको उद्धाटन खेलमा कतार इक्वेडरसँग २–० गोलले पराजित भएको हो । यससँगै कतार विश्वकपको उद्धाटन खेल हार्ने पहिलो आयोजक टोली बनेको छ ।
अल बायात स्टेडियममा इक्वेडरको लागि दुवै गोल कप्तान इनार भ्यालेन्सियाले गरे । भ्यालेन्सियाले खेलको १६ मिनेटमा पेनाल्टीमार्फत् पहिलो गोल गरेका थिए भने दोस्रो गोल ३१ औं मिनेटमा हेडिङर्फत् गरेका हुन् ।
आयोजक भए पनि कतारले कुनै पनि बेला आफ्नो प्रभाव छोड्न सकेन । खेलको अन्त्यतिर कतारका मोन्टारीले गोलको असफल प्रयास गरेका थिए । यसबाहेक इक्वेडरको गोलपोस्टमा कतारले कुनै पनि बेला बलियो प्रहार गरेको भेटिएन । कतारी टिम औसत दर्जाको देखिएको थियो ।
