यी हुन् हालसम्म विश्वकप जित्ने राष्ट्र, सर्वाधिक गोलकर्ता र सर्वोत्कृष्ट खेलाडी

प्रज्जवल थापा, काठमाडौं । सन् १९३० मा उरुग्वेबाट शुरु भएको फिफा विश्वकपको २२ औं संस्करण नोभेम्बर २० देखि कतारको दोहामा शुरु हुँदैछ । यसपटक  ५ महाराष्ट्रबाट ३२ राष्ट्र उपाधि जित्ने लक्ष्य कतार पुग्नेछन् । एसियाबाट ६ राष्ट्रले यसपटकको विश्वकपमा सहभागिता जनाउँदैछन् । कतार आयोजकको रुपमा इतिहासमै पहिलोपल्ट विश्वकप खेल्दैछ ।

यस्तै दक्षिण अमेरिका र उत्तर अमेरिकाबाट समान चार-चार राष्ट्रले विश्वकप खेल्दैछन् भने अफ्रिकाबाट ५ टोली कतार पुग्दैछन् । यस्तै युरोपबाट सर्वाधिक १३ टोली विश्वकपको लागि छनोट भएका छन् । यसपटक सहभागिता जनाउने ३२ मध्ये २४ टोलीले रसियामा भएको गत संस्करणमापनि सहभागिता जनाएका थिए । कतार विश्वकपमा डेब्यु गर्ने एक्लो टोली हो ।

सन् २०१८ को विश्वकप गुमाएका नेदरल्यान्ड्स, इक्वेडर, घाना, क्यामरुन र अमेरिका फर्किंदा क्यानडालेपनि ३६ वर्षपछि विश्वकपमा सहभागिता जनाउँदैछ । यस्तै वेल्सपनि ६४ वर्षपछि विश्वकप खेल्ने तरखरमा छ ।

यता चार पटकको विश्व विजेता र युरोपियन च्याम्पियन इटाली र सन् २०१५ र २०१६ को कोपा अमेरिका च्याम्पियन चिलीले लगातार दोस्रोपटक विश्वकप गुमाउँदैछन् ।

क्षेत्रफलको आधारमा हेर्ने हो भने कतार विश्वकप आयोजना गर्ने सबैभन्दा सानो राष्ट्र हो । क्षेत्रफलमा सानो भएपनि कतारले विश्वकपलाई भव्य बनाउन कुनै क्षेत्रमा कमि भने गरेको छैन । तयारि र संरचनालाई हेर्ने हो भने विश्वकप भव्य हुनेमा शंकानै छैन ।

हालसम्म विश्वकप जित्ने राष्ट्र

फिफा विश्वकपको ९२ वर्षीय इतिहासमा हालसम्म ८ देशले उपाधि जितेका छन् । ब्राजिलले सर्वाधिक पाँचपटक उपाधि जितेको छ । ब्राजिललाई जर्मनी र इटालीले समान चार-चारपटक उपाधि जित्दै पछ्याइरहेका छन्  ।  यस्तै अर्जेन्टिना, उरुग्वे र फ्रान्सले सामन दुई-दुईपटक उपाधि उचाल्दा इंग्ल्याण्ड र स्पेनले एक-एक पटक उपाधि आफ्नो नाममा लेखाएका छन् ।

सर्वाधिक गोलकर्ता

फिफा विश्वकपको इतिहासमा जर्मनका खेलाडी मिरास्लव क्लोजले सर्वाधिक गोल गरेका छन् । चार संस्करणमा सहभागिता जनाएका क्लोजले २४ खेल खेल्दै १६ गोल गरेका हुन् ।

 गोल्डेन बल

फिफा विश्वकपमा विश्वभरिका उत्कृष्ट खेलाडी मैदान उत्रिने गर्दछन्  । ती मध्ये एक सर्वोत्कृष्ट खेलाडीलाई फिफाले गोल्डेन बल दिने गर्दछ । विश्वकप सन् १९३० बाट शुरु भएपनि फिफाले १९८२ बाट गोल्डेन बल दिँदै आएको छ । फिफाले चुनेको मनोनयमा पत्रकारले भोट गर्दै सर्वोत्कृष्ट खेलाडी छान्छन् । यस्तै दोस्रो हुनेलाई सिल्भर बल र तेस्रो हुनेलाई ब्रोन्ज बल दिइने गरिन्छ ।

इतिहासलाई पल्टाउने हो भने गोल्डेन बल विशेषगरि उपाधि जित्ने टोलीका खेलाडीलाई भन्दा उपविजेता टिमका खेलाडीलाई दिएको छ । हालसम्म मात्र तीन पटक विजेता टोलीका खेलाडीले गोल्डेन बल जितेका छन् । पछिल्लोपटक सन् २०१८ मा कोएसियाका कप्तान तथा मिडफिल्डर लुका मोड्रिकले गोल्डेन बल जितेका थिए । उनको टोली फाइनलमा फ्रान्ससँग ४-२ गोलले पराजीत भएको थियो । हालसम्म गोल्डेन बल जित्ने खेलाडी यस प्रकारका रहेका छन् ।