धनगढी । कैलालीको धनगढी उपमहानगरपालिका–२ त्रिनगर (कैलाली कञ्चनपुरको सिमाना) बाट सशस्त्र प्रहरीले सोमबार ३६ लाख रुपैयाँ बराबरका सुन र चाँदीका गहना बरामद गरेको छ ।
सशस्त्र प्रहरी बल नेपाल नम्बर ३४ गणको कार्यालय कैलाली, बिओपी त्रिनगर र बिओपी डोकेबजारबाट खटिएको टोलीले भारतबाट अवैध रुपमा भन्सार छली ल्याएको ३६ लाख आठ हजार ४९० रुपैयाँ बराबरका सुन तथा चाँदी गहनाहरू बरामद गरेको सशस्त्र प्रहरी बल नेपाल नम्बर ३४ गणको कार्यालयले जनाएको छ । बरामद गरी गरगहना राजश्व अनुसन्धान कार्यालय कोहलपुरमा बुझाउने प्रक्रिया भइरहेको बताइएको छ ।
