USAID

महाधिवेशनमा मिलेर अघि बढ्ने विषयमा निधि, कोइराला र सिंहबीच छलफल


काठमाडौं । नेपाली कांग्रेसका उपसभापति विमलेन्द्र निधि, महामन्त्री डा. शशांक कोइराला र नेता प्रकाशमान सिंहबीच शुक्रबार पनि छलफल भएको छ । महामन्त्री कोइरालाको निवास महाराजगंजमा तीन नेताबीच छलफल भएको हो ।

उनीहरुबीच १४ औं महाधिवेशनमा कसरी मिलेर अघि बढ्ने भन्ने लगायतका बिषयमा छलफल भएको निधिका प्रेस सल्लाहकार रामजी दाहालले जानकारी दिएका छन् ।

यसअघि केहीदिन अघि तीन नेताबीच निधि निवास नयाँबानेश्वरमा महाधिवेशनका विषयमा छलफल भएको थियो । पार्टीको महाधिवेशनमा सभापति शेरबहादुर देउवाले फेरि सभापतिमा उठ्ने बताएपछि तीन नेता आफ्नो समीकरण बनाउन छलफलमा जुटेका हुन् ।

निधिले आफू सभापतिमा उठ्ने र त्यसमा सघाउन देउवालाई आग्रह गरिसकेका छन् । कांग्रेसको १४ औं महाधिवेशन भदौ १६ गते काठमाडौंमा हुँदैछ ।

 


CivActsAd

Leave a Reply

Your email address will not be published. Required fields are marked *