USAID

गण्डकीका मुख्यमन्त्री पोखरेललाई विश्वासको मत प्राप्त, पक्षमा ३१ र विपक्षमा २७ मत


काठमाडौं । गण्डकी प्रदेशका मुख्यमन्त्री कृष्णचन्द्र पोखरेल नेपालीले विश्वासको मत पाएका छन् । शुक्रबार प्रदेशसभामा भएको मत विभाजनमा पोखरेलले विश्वासको मत पाएका छन् ।

पोखरेलको पक्षमा ३१ मत परेको थियो भने विपक्षमा २७ मत परेको थियो । नेकपा एमालेले प्रस्तावको विपक्षमा मतदान गरेको थियो । नेपाली कांग्रेस संसदीय दलका नेता पोखरेल माओवादी केन्द्र, राष्ट्रिय जनमोर्चा, जनता समाजवादी पार्टी र स्वतन्त्र सांसद दीपक मनाङेको समर्थनमा मुख्यमन्त्री बनेका हुन् ।

५९ सदस्यीय प्रदेशसभामा विश्वासको मत पाउन ३० मत आवश्यक पर्छ । प्रदेशसभामा विपक्षी दल एमालेको २७, नेपाली कांग्रेसको १५, माओवादी केन्द्रको सभामुखसहित १२, राष्ट्रिय जनमोर्चाको २ र जनता समाजवादी पार्टीको २ मत छ । राष्ट्रिय जनमोर्चाबाट निर्वाचित भएका सांसद कृष्ण थापालाई भने उनको दलले निष्कासन गरेका कारण पदमुक्त भएका छन् ।

यो पनि

प्रदेशमा स्थायित्वको लागि विश्वासको मत दिन मुख्यमन्त्री पोखरेलको आग्रह

प्रदेशमा अवसरवादीहरुको गठबन्धन बनेकाले समर्थन गर्न सक्दैनौंः निवर्तमान मुख्यमन्त्री गुरुङ


CivActsAd

Leave a Reply

Your email address will not be published. Required fields are marked *