USAID

तीन बुँदे सहमतिप्रति प्रतिवद्ध छौंः महासचिव विप्लव

  • 40
    Shares

काठमाडौं । नेत्रविक्रम चन्द विप्लव नेतृत्वको नेकपाका महासचिव विप्लवले सरकार र आफूहरुबीच भएको तीन बुँदे सहमतिप्रति प्रतिवद्ध रहेको बताएका छन् । शुक्रबार दिउँसो सरकारसँग भएको सहमति हस्ताक्षर घोषणा कार्यक्रममा महासचिव विप्लवले आफूहरु तीन बुँदे सहमतिमा प्रतिवद्ध रहेको बताएका हुन् ।

उनले सहमति कार्यान्वयन र पालना गर्न तयार रहेको र यसकाबारेमा कुतर्क नगर्न आग्रह गरे । महासचिव विप्लवले कम्युनिस्टहरु विद्रोही मात्रै नभएर शान्तिका दूत समेत भएको बताए ।

उनले सहिदको सपना र जनताको चाहना पूरा गर्न आफूहरु शान्तिपूर्ण राजनीतिमा फर्किएको बताए । केपी ओली नेतृत्वको सरकारसँग भएको सहमतिलाई उनले ’घाम र जूनको भेट’सँग तुलना गरे । उनले भने, ‘धेरैले अनेक अनुमान गरेका छन् तर यो सहमति घाम र जूनको भेट जस्तै हो । त्यो सम्भव बनाएर हामी देखाउँछौँ ।’

उनले मुलुकको भविष्यको फैसला गर्न जनमत संग्रहमा जानुपर्ने बताए । उनले नेपाली जनताले दल र नेताहरुलाई पटक पटक चुनेर पठाएपनि अधिकार उपभोग गर्न नपाएकाले जनमत संग्रहमा जानुपर्ने बताए ।

उनले आफूहरु हातेमालो गर्न तयार रहेको तर कुनै विदेशीले हेप्न खोज्यो भने त्यो आफूहरुलाई सह्य नहुने र नझुक्ने बताए । उनले जनताको सपना पूरा गर्नुपर्छ र सपना पूरा गर्न आफू यहाँ उभिएको बताए ।


  • 40
    Shares
CivActsAd

Leave a Reply

Your email address will not be published. Required fields are marked *