‘सबै क्षेत्रका उद्योगी, व्यवसायीकोे म साझा उम्मेदवार हुँ’:चन्द्र ढकाल

  • 7
    Shares

नेपाल उद्योग वाणिज्य महासंघको ५४औं साधारण सभा मंसिर ११–१३ गते हुँदैछ । महासंघको विधानअनुसार वरिष्ठ उपाध्यक्ष स्वतः अध्यक्ष हुने प्रावधान छ । तसर्थ, सधैंझै यसपटक पनि महासंघमा अबको वरिष्ठ उपाध्यक्ष को हुन्छ भन्ने चासो र कौतुहलता छ । यतिखेर उद्योगी व्यवसायीहरू प्यानल नै बनाएर निर्वाचनमा होमिएका छन् । यसअघि महासंघको उपाध्यक्षमा निर्विरोध निर्वाचित चन्द्रप्रसाद ढकालले पनि वरिष्ठ उपाध्यक्ष पदमा उम्मेदवारी दिनुभएको छ । रेमिट्यान्स, बैंक, पर्यटन, अटोमोबाइललगायतका क्षेत्रमा सफल उद्यमी व्यवसायीका रूपमा परिचय बनाउनु भएका ढकालसँग महासंघको निर्वाचन सेरोफेरोमा  गरेको कुराकानी:

नेपाल उद्योग वाणिज्य महासंघको निर्वाचनमा तपाईं प्यानल नै बनाएर वरिष्ठ उपाध्यक्षमा उठ्नु भएको छ, तयारी कस्तो छ ?

म चुनाव वा कुनै विशेष समय परिस्थितिमा मात्र महासंघका कार्यक्रम र देश दौडाहामा लाग्ने व्यक्ति होइन । हाम्रो व्यावसायिक नेटवर्क हरेक जिल्ला, नगर तथा टोलसम्म छ । मेरो यही व्यावसायिक नेटवर्ककै माध्यमबाट सबै जिल्ला तथा नगर, एसोसिएट तथा वस्तुगतका सबै क्षेत्रका साथीहरूसँग निकै राम्रो सम्बन्ध बनेको छ । यसप्रकारको सम्बन्ध मेरो चुनावी तयारीको बलियो आधार हो ।
म उपाध्यक्ष भएदेखि नै महासंघका कार्यक्रममा देशभर निरन्तर पुगेको छु । यिनै कुरालाई निरन्तरता दिँदै अहिले पनि म देशैभरीका उद्योगी व्यवसायी साथीहरूसँग भेटघाट गर्न सक्रिय छु । प्रदेश, जिल्ला÷नगर तथा वस्तुगत संघका साथीहरूले मलाई नै विशेष आग्रह गरेर बोलाउने गर्नुभएको छ । उहाँहरुको आग्रहलाई सम्मान गर्दै म यथाशक्य स्थानमा पुग्ने गरेको छु । त्यसप्रकारका जमघट तथा भेलामा साथीहरूसँग अन्तक्रिया गर्ने, गुनासा तथा अपेक्षाहरू सुन्ने गरेको छु । साथै उहाँहरूको विश्वास जित्न सफल भएको छु । सबै क्षेत्रका साथीहरूले आफ्नो साझा उम्मेदवारका रुपमा मलाई हेर्नुभएको छ ।

म आफै पनि सानो व्यवसायबाट शुरु गरेर अहिलेको अवस्थामा पुगेको हुँ । त्यसैले मलाई सानो व्यवसायको समस्या, दुःख र पीडा महशुस छ । म व्यवसायी साथीहरुलाई के भन्न चाहन्छु भने म तपाईंहरुको सधैंको सारथी हो । महासंघको नेतृत्वमा हुँदा होस वा नहुँदा म सधंै साथमै रहन्छु ।

तपाईले के कस्ता विषय र मुद्दालाई प्राथमिकता दिनुभएको छ ?
देशमा औद्योगिक तथा व्यावसायिक वातावरण बनाउन थुप्रै काम गर्न बाँकी छ । निकै लामो समयपछि नयाँ संविधानसँगै हामीले राजनीतिक स्थिरता प्राप्त गरेका छौं । यसले गर्दा २०७२ पछि मात्र हेर्ने हो भने पनि वैदेशिक लगानीका साथै आन्तरिक लगानी निकै बढेको थियो । कोभिडको समस्या आउनुभन्दा अगाडि नेपालको अर्थतन्त्र सुधारोन्मुख थियो । वर्तमान अवस्थामा, कोभिड–१९ ले विश्व अर्थतन्त्रको संरचनामा नै परिवर्तन ल्याएको छ ।

नेपालमा पनि यो महामारीका कारण आर्थिक क्षेत्रमा निकै गम्भीर असर पारेको छ । हामी महासंघका तर्फबाट नेपालको उद्योग, व्यवसायमा के असर पा¥यो र आगामी दिनमा कसरी अगाडि बढ्ने भन्ने विषयमा देशैभरीका उद्योगी व्यवसायीबीच नियमित अन्तक्र्रिया गरेर निकास खोज्दै छौं । हाम्रो समस्यालाई अलि फरक ढंगबाट हेर्नु र विश्लेषण गर्नुपर्छ, किनभने हाम्रो अर्थतन्त्रको आकार नै सानो छ भने हामीले गर्नुपर्ने काम अथवा दायित्व निकै बढी छ ।

अर्को महत्वपूर्ण विषय महासंघ जस्ता संस्थालाई विज्ञ संस्थाको रुपमा विकास गर्नुपर्ने आवश्यकता छ । हामी कहाँ उद्योग व्यापार दर्ता, नवीकरण र खारेजी प्रक्रिया अझै झन्झटिलो छ । यसलाई सहज बनाउनुपर्नेछ । उद्योग व्यवसायमा समय प्रक्रियाका कारण बढ्ने उत्पादनको लागतलाई घटाउनुपर्नेछ । त्यस्तै उद्योग, आयोजना, वेयरहाउसको निर्माणमा आवश्यक ईआईए, आईईका लागि लाग्ने लामो प्रक्रिया, समय र झन्झटलाई छोट्याउनुपर्नेछ ।

हाम्रो निर्यात व्यापार बढाउनका लागि आवश्यक पूर्वाधारको विकास गर्नुपर्नेछ । त्यस्तै विभिन्न सरकारी निकायबीचको सहकार्यको अभावमा आइपर्ने कठिनाइलाई हटाउनुपर्नेछ । उद्योगी व्यापारीसँग राज्यका निकायले जबर्जस्ती होइन, पारदर्शी ढंगबाट, सहज र वैज्ञानिक रुपमा कर उठाउने वातावरण बनाउनुपर्नेछ । निजी क्षेत्रलाई करको बोझमा दबाउने अहिलेको जुन व्यवस्था छ, त्यसलाई हटाउनुपर्नेछ । तीन तहका सरकारबीचका असमझदारीका कारण देखिएका करका दुविधालाई समयानुसार परिमार्जन गर्नुपर्नेछ । हाम्रो आफ्नै महासंघको सचिवालय सुदृढीकरणदेखि साना, मझौला तथा ठूला उद्योगका धेरै विषयमा हामीले अहिले अगाडि बढाएका काम बाँकी छन् ।

नेपालमा एफडीआई भित्र्याउनका लागि लगानीमैत्री वातावरण सिर्जना गर्ने र नेपाली उद्योगी व्यापारी साथीहरूलाई विदेशी लगानीकर्ताको नेपालको साझेदार बनाउन धेरै काम गर्न बाँकी नै छ । निजी सम्पत्तिमाथिको अधिकारलाई ग्यारेन्टी गर्ने, स्वदेशी उद्योग र व्यापारको संरक्षण गरेर विदेशी लगानीलाई आकर्षित गर्नुपर्नेछ । यसको साथसाथै अब आउने अध्यक्षका राम्रा कामलाई अगाडि बढाउने र उहाँको नेतृत्वमा महासंघको साँख उचो बनाउन मैले सशक्त भूमिका निर्वाह गर्नेछु ।

महासंघले ठूला व्यवसायीलाई प्राथमिकता दिएको तर साना तथा मझौला व्यवसायीलाई उपेक्षा गरेको भन्ने सुनिन्छ, तपाईले महासंघलाई समावेशी बनाउन कस्तो पहल गर्नुहुन्छ ?
साना तथा मझौला उद्योग भनेको दिगो विकासको आधार भएकाले संसारभर यस्ता क्षेत्रलाई अर्थतन्त्रको मेरुदण्ड पनि भन्ने गरिन्छ । नेपालमै पनि लकडाउनको अवस्थामा अर्थतन्त्र धान्ने आधार यस्तै उद्यम व्यवसाय भएको तथ्य हामीले भुल्नु हुँदैन । यसैले साना मझौला उद्योग व्यवसायको संरक्षणका लागि हामी कुनै सम्झौता गर्दैनौं ।

उद्योग वाणिज्य महासंघ यस्तो संस्था हो जसमा जिल्लामा भएका साना–साना व्यवसाय पनि सहभागी छन् । हरेक क्षेत्र छन् । यसमा वस्तुगत संघको पनि सहभागिता छ । यसमा साना व्यवसायीको पनि सहभागिता हुन्छ । महासंघकै नेतृत्वमा पुग्नसक्ने साना व्यवसायीलाई पनि अधिकार हुन्छ । महासंघ आजको अवस्थासम्म आइपुग्नका लागि हाम्रा अग्रजहरूको ठूलो त्याग र योगदान रहेको छ । उहाँहरूको सम्मान गर्दै अब महासंघलाई निजी क्षेत्रको वास्तविक छाता संगठनका रुपमा समावेशी तवरले अगाडि बढाउनु आवश्यक छ । मलाई जिल्लास्तरमा व्यवसायीहरुले भोग्ने समस्या तथा चुनौतीको पूर्ण जानकारी छ ।

म आफै पनि सानो व्यवसायबाट शुरु गरेर अहिलेको अवस्थामा पुगेको हुँ । त्यसैले मलाई सानो व्यवसायको समस्या, दुःख र पीडा महशुस छ । म व्यवसायी साथीहरुलाई के भन्न चाहन्छु भने म तपाईंहरुको सधैंको सारथी हो । महासंघको नेतृत्वमा हुँदा होस वा नहुँदा म सधंै साथमै रहन्छु । हामीले आसन्न निर्वाचनमा पनि समावेशी टिम बनाएका छौं । समग्र उद्योगी, व्यवसायीमात्रै नभएर पेशागत लगानीकर्ता साथीहरूको साझा थलोका रुपमा महासंघको पुर्नसंचना गर्ने कुरामा हामी प्रतिबद्घ छौं ।

राज्यसँगको सहकार्यबिना तपाईंहरूको अभियानले सार्थकता नपाउला, कसरी सहकार्य गर्ने योजनामा हुनुहुन्छ रु
हामी निजी क्षेत्र भनेको देशको समृद्धिको यात्राका दरिलो खम्बा हौं, राज्यले घोषणा गरेको तीन खम्बे अर्थतन्त्रको एक दरिलो खम्बा । देशको अर्थतन्त्रमा अहिले पनि निजी क्षेत्रको योगदान दुईतिहाई भन्दा बढी छ । सरकारले निजी क्षेत्रसँगको साझेदारीलाई नीति नियम र कानुनमा राम्रैसँग स्वीकार पनि गरेको छ । सरकारका विभिन्न निकायमा महासंघको प्रतिनिधित्व छ । सरकारका उच्चस्तरीय समितिमा निजी क्षेत्रको प्रतिनिधित्व हुँदै आइरहेका छ । निजी क्षेत्रका तर्फबाट हुने लबिङमा भने महासंघसहित सबै संघसंस्थालाई साथ लिएर जान सकिएमा अझ प्रभावकारी हुन्छ जस्तो मलाई लाग्छ ।

हाम्रो समूहको उम्मेदवारीको नारा नै ‘समृद्धिको आधार ः राज्य–निजी क्षेत्र साझेदार’ राखेका छौं । निजी क्षेत्रको दरिलो उपस्थितिबिना राज्यमात्रको पहलमा देश सम्मृद्ध बनेको संसारमा अहिलेसम्म कुनै उदाहरण छैन । राज्यले निजी क्षेत्रसँग जति सहकार्य गर्छ त्यति नै द्रुत गतिमा राज्यको आर्थिक उन्नति हुन्छ । हामीले मूलतः नीतिगत तहमा एक प्रकारको सशक्त उपस्थिति देखाउनुपर्ने अवस्था छ । हामीले लगानीका लागि सहजीकरण गर्ने, व्यवसायीका हक अधिकारको संरक्षण र सम्वद्र्धन गर्ने तथा राज्यका लागि थिंक ट्यांकको भूमिका निर्वाह गर्ने काम गर्नेछौं । यसका लागि महासंघले विषय विज्ञहरुको सहयोग पनि लिनेछ ।

तपाईंको व्यावसायिक संलग्नता धेरै छ, के तपाईंले महासंघलाई समय दिन सक्नुहुन्छ त ?
मैले शुरुमै भनिसकें, म चुनाव वा कुनै विशेष समय परिस्थितिमा मात्र महासंघका कार्यक्रम र देश दौडाहामा लाग्ने व्यक्ति होइन । म उपाध्यक्ष भएदेखि नै महासंघका कार्यक्रममा नेपालभर निरन्तर पुगेको छु । म वर्षैभरी ७७ वटै जिल्लाका व्यवसायी साथीहरूसँग आफ्नो व्यवसायकै सिलसिलामा सम्पर्कमै हुन्छु । म महासंघमा अहिले पनि छु । जिल्लाका साथीहरूसँग नियमित कुराकानी, छलफल र विमर्श भइरहेकै हुन्छ ।

साथीहरूले बोलाएका विभिन्न कार्यक्रम, साधारण सभा तथा महोत्सवमा पनि पुगेकै हुन्छु । हरेक जिल्ला, नगरसम्म मेरो आफ्नै व्यावसायिक नेटवर्क फैलिएको छ । यो नेटवर्कका कारण म व्यवसायीहरूसँग टाढा रहनै सक्दिन । अर्को कुरा मेरोे व्यवसाय सिस्टमले सञ्चालन हुने गर्छ । सिस्टममा चल्ने हुँदा महासंघमा आवश्यक समय दिन मलाई केही गाह्रो छैन र हुँदैन पनि ।

महासंघमा तपाईंको यात्रा अलिक द्रुत गतिमा देखिन्छ । महासंघमा रहेर लामो समय काम गरेको अनुभव पनि तपाईंको अलिक कम छ । यसले निर्वाचनमा प्रभाव नपार्ला ?
नेतृत्वमा पुग्न कुनै संगठनमा लामो समयसम्म नै रहिरहनु पर्छ भन्ने मान्यतालाई म पूर्णत मान्न सक्दिन । महासंघमा म दुई–दुई पटक कार्यसमितिमा सर्वसम्मत वा लोकप्रिय मतका साथ आएको छु । तसर्थ, महासंघको नेतृत्वमा आउन निजी क्षेत्रका समस्या नजिकबाट बुझ्न सक्नुपर्छ, समस्याको सम्बोधन गर्न सक्ने क्षमता राख्ने तथा बदलिँदो चुनौतीलाई आत्मसात गर्दै देशले खोजेको परिवर्तनका लागि संवाहक हुनसक्ने हुनुपर्छ । म एकल नेतृत्वभन्दा पनि सामूहिक नेतृत्वलाई प्राथमिकता दिने गर्दछु ।

हाम्रो टिम कोरोनाबाट सिर्जना भएका चुनौतीलाई परास्त गर्नेमात्र नभई समृद्ध नेपाल निर्माणको महाअभियानको अभियन्ताका रुपमा सम्पूर्ण निजी क्षेत्रलाई अगाडि बढाउन सक्षम हुनेछ । अर्को कुरा हाम्रो यो टिम अनुभवले खारिएको छ । विश्वासले भरिएको छ । गाउँ जिल्ला, नगरदेखि अन्तर्राष्ट्रियस्तरसम्म र नीतिगत तहसम्म पहुँच पु¥याउन सक्ने हैसियत राख्छ । यसले साना तथा ठूला व्यवसायीका समस्या समाधानमा सक्रिय भूमिका निभाउन सक्छ । समाधान खोज्न सक्छ । राज्यलाई कन्भिन्स गर्न सक्छ । तसर्थ, हामी आगामी नेतृत्वका लागि सक्षम छौं ।

हरेक जिल्ला, नगरसम्म मेरो आफ्नै व्यावसायिक नेटवर्क फैलिएको छ । यो नेटवर्कका कारण म व्यवसायीहरूसँग टाढा रहनै सक्दिन । अर्को कुरा मेरोे व्यवसाय सिस्टमले सञ्चालन हुने गर्छ । सिस्टममा चल्ने हुँदा महासंघमा आवश्यक समय दिन मलाई केही गाह्रो छैन र हुँदैन पनि ।

चुनाव जित्ने तपाईंका आधार के–के देख्नुहुन्छ ?
यसमा सबैभन्दा बलियो आधार भनेको व्यवसायी मित्रहरुसँगको मेरो सम्बन्ध नै हो । यो सम्बन्ध कुनै चुनावका लागि बनेको सम्बन्ध होइन । यो मेरो तीन दशक लामो आफ्नो व्यावसायिक यात्राका क्रममा बनेको सम्बन्ध हो र यो दिगो सम्बन्ध हो ।

मेरो आफ्नो व्यवसाय र व्यावसायिक नेटवर्क हरेक जिल्ला, नगर तथा टोलसम्म पुगेको छ । हरेक जिल्ला तथा नगरसम्म मेरो व्यावसायिक सञ्जाल छ । हाम्रो व्यवसायमार्फत हरेक जिल्लाका व्यवसायी साथीहरुसँग हामी जोडिएका छौ ।

मेरो यही व्यावसायिक नेटवर्ककै माध्यमबाट अहिले मेरो सबै जिल्ला तथा नगर, एसोसिएट तथा वस्तुगतका सबै क्षेत्रमा निकै राम्रो सम्बन्ध छ । सधै उहाँहरुसँगै रहने हुनाले मैले जिल्लास्तरमा व्यवसायीले भोग्ने समस्या तथा चुनौतिहरु बुझेको छु । अर्को कुरा, म सानो व्यवसाय शुरु गरेर अहिलेको आइएमई ग्रुपको अवस्थामा पुगेकाले मलाई सानादेखि ठूला व्यवसायीेका समस्याको अवगत छ । यो नै मेरो चुनाव जित्ने मुख्य आधार हो ।

यसका साथै मैले महासंघको नेतृत्व तहमा रहेर विगतमा खेलेको भूमिका तथा मेरो व्यक्तिगत व्यवहारको पनि कुरा आउछ । म सधैं व्यावसायिका हक, हित र अधिकारका पक्षमा लाग्ने हुनाले सबै व्यवसायी साथीले मलाई नेतृत्वमा आउन आग्रह नै गर्नुभएको छ । बागलुङ उद्योग वाणिज्य संघले धेरै प्रदेश, जिल्ला, नगर, वस्तुगत संघका अध्यक्षज्यूहरु तथा केन्द्रीय पदाधिकारी र सदस्यहरु रहेको कार्यक्रममा मलाई वरिष्ठ उपाध्यक्षको उम्मेदवारका रुपमा प्रस्ताव समेत ग¥यो ।

यसले पनि मलाई नेतृत्वमा आउन एक किसिमको आधार तयार ग¥यो । त्यही आधारमा मैले केही समय अघि मेरो उम्मेदवारी घोषणा गरे र अहिले अघि बढेको छु । संक्षेपमा भन्नुपर्दा हरेक जिल्लामा फैलिएको मेरो आफ्नो व्यावसायिक नेटवर्क, महासंघको नेतृत्व तहमा रहेर मैले खेलेको भूमिका र व्यवसायी साथीहरुसँगको मेरो सुमधुर सम्बन्ध नै मेरो जीतको प्रमुख आधार हो ।

अहिलेको स्थितिमा सहमतिबाट अगाडि बढ्नुपर्ने धेरैको अपेक्षा छ । तपाईंको तर्फबाट सहमतिका लागि प्रस्ताव के छ ?
विशेषतः पूर्वअध्यक्षज्यूहरू चुनाव गर्नुभन्दा अहिलेको अवस्थामा महासंघलाई प्रभावकारी बनाउन सहमतिबाटै जानुपर्छ भनेर प्रयास गरिरहनु भएको छ । मेरो पनि यसमा समर्थन छ । म पनि सधंै सहमतिकै पक्षमा छु । मेरो विगतलाई हेर्ने हो भने म हरेक ठाउँमा सहमतिमै काम गर्ने गरेको छु । महासंघको मेरो यात्रालाई हेर्ने हो भने म उपाध्यक्ष पनि सहमतिबाटै भएको हो ।

सहमतिको प्रयास गर्दा अहिले देखिएका उम्मेदवारको व्यक्तिगत तथा व्यावसायिक अवस्था र मतदाताको आकांक्षालाई मध्यनगर गरेर त्यस्तो निर्णय भएमा त्यसलाई म स–सम्मान स्वीकार गर्नेछु । तर, यसको मतलब चुनाव गलत हो, चुनाव नै हुनु हँुदैन भन्ने चाहिँ होइन । चुनावले कुनै पनि संस्था कमजोर हुँदैन । स्वच्छ र प्रजातान्त्रिक प्रतिस्पर्धाले महासंघलाई अझ बलियो बनाउँछ ।
नेपाल समाचारपत्रबाट


  • 7
    Shares

Leave a Reply

Your email address will not be published. Required fields are marked *