राजविराज । सप्तरीमा दुई वर्षीया एक बालिका घर पछाडिको झाडीमा मृत फेला परेकी छन् । शम्भुनाथ नगरपालिका–३ ट्राफिक चोक निवासी मोहम्मद इरफानकी दुई वर्षीया छोरी खुशी खातुन घर पछाडिको झाडीमा मृत फेला परेकी हुन् ।
बिहान आँगनमा खेलिरहेकी खुशी आइतबार बिहान साढे १० बजेदेखि हराएको जानकारी प्रहरीलाई आएको थियो । लगत्तै पुगेको प्रहरी टोलीले खोजी गर्दा बालिका भेटेको प्रहरी उपरीक्षक रुपक खड्काले जानकारी दिएका छन् । प्रहरीले घटनामा संलग्न भएको आशंकामा एक जनालाई पक्राउ गरेको छ ।
