काठमाडौं । आईसीसी टी-२० विश्वकपको अभ्यास खेलमा आज नेपाल र क्यानडा भिड्दैछन् । चेन्नईको चेपकमा हुने खेल दिउँसो १:१५ बजे शुरू हुनेछ ।
आज नेपाल लगातार दोस्रो जितको खोजीमा हुनेछ । पहिलो अभ्यास खेलमा युएईलाई ७ विकेटले पराजित गरेको नेपाल आजपनि सोहि लयको अपेक्षामा रहेको छ । पहिलो खेलमा दिपेन्द्र सिंह एरी र आरिफ शेखले अर्धसतक पूरा गर्दै सतकीय साझेदारी गरेर नेपाललाई जितसम्म डोर्याएका थिए ।
सन् २०२४ मा भएको टी-२० विश्वकपको अभ्यास खेलमा क्यानडाले नेपाललाई ६३ रनले हराएको थियो ।
