काठमाडौँ । नेकपा एमालेका नेता ऐन महरविरूद्ध मुद्दा दर्ता भएको छ । जिल्ल सरकारी वकिलको कार्यालयले महरविरूद्ध साइबर अपराधअन्तर्गत काठमाडौँ जिल्ला अदालतमा मुद्दा दायर गरेको हो ।
एक महिलामाथि सामाजिक सञ्जालमार्फत चरित्रहत्या गरेको आरोपमा महरमाथि विद्युतीय कारोबार ऐन २०६३ को दफा ४७ अनुसार कसुरमा मुद्दा दर्ता भएको हो ।
अब प्रतिवादी महर अदालतमा हाजिर भएपछि थुनामा पठाउने वा धरौटीमा छाड्ने वा हाजिर जमानीमा राख्ने भन्नेबारे थुनछेक हुनेछ । यसअघि सरकारी वकिल कार्यालयले महरलाई गत भदौ ११ मा हाजिरी जमानीमा छाडिएको थियो ।
