काठमाडौं । घरेलु मैदानमा बंगलादेशविरुद्ध हुने मैत्रीपूर्ण खेलका लागि नेपाली राष्ट्रिय फूटबल टोलीको घोषणा भएको छ । नेपाली टोलीका मुख्य प्रशिक्षक म्याट रोसले किरण चेम्जोङको कप्तानीमा मैत्रीपूर्ण फुटबलका लागि २३ सदस्यीय टोलीको घोषणा गरेको अखिल नेपाल फूटबल संघ(एन्फा)ले जानकारी दिएको हो ।
नेपालले बङ्गलादेशसँग घरेलु मैदान दशरथ रङ्गशालामा भदौ २१ र २४ गते मैत्रीपूर्ण फुटबल खेल्ने तालिका रहेको छ । दुवै खेल फिफा अन्तर्राष्ट्रिय विन्डो अन्तर्गत हुने लागेको हो । हाल फिफा वरीयतामा नेपाल १७६औं र बङ्गलादेश १८४औं स्थानमा छन् ।
एएफसी एसियन कप छनोटको तयारी स्वरूप नेपालले बंगलादेशसँग मैत्रीपूर्ण खेल खेल्न लागेको हो ।
नेपाली टोली:- किरण चेम्जोङ(कप्तान) अभिषेक लिम्बू, आदित्य शाक्य, अमित लामा, अनन्त तामाङ, अञ्जन विष्ट, ऐरिक विष्ट, दिप कार्की, दिनेश हेञ्जन, जिलेस्पी जंग कार्की, कुशल देउवा, लाकेन लिम्बू, मणिकुमार लामा, मनीष डाँगी, रणदीप पौडेल, रोहन कार्की, रोहित चन्द, समीर तामाङ, श्रृजन राज, सुवास ठकुरी बम, सुमन श्रेष्ठ, तिकेन्द्र थापा र योगेश गुरुङ
