दुलेगौंडा । तनहुँको शुक्लागण्डकी नगरपालिकाले विश्व आदिवासी जनजाति दिवसको अवसरमा भोलि(मंगलबार) सार्वजनिक बिदा दिने निर्णय गरेको छ । नगरपालिकाले सोमबार विज्ञप्ति जारी गरी २८ औं विश्व आदिवसी जनजाति दिवसको अवसरमा मंगलबार सार्वजनिक बिदा दिने निर्णय गरेको जानकारी दिएको हो ।
नगरपालिकाको कार्यपालिका कार्यालय, वडा कार्यालय, सेवा कार्यालय, सबै विद्यालय र शुक्लागण्डकी नगरपालिका भित्र सञ्चालित बैंक तथा वित्तिय संस्था तथा निजी संघ संस्था र निकायहरुलाई समेत बिदा दिने निर्णय गरेको विज्ञप्तिमा उल्लेख छ ।
यस्तै २८ औं विश्व आदिवासी जनजाती दिवसको अवसरमा नगरपालिका तथा विश्वभर रहेका आदिवासी जनजातीहरुलाई नगर प्रमुख कृष्ण राज पण्डितले शुभकामना व्यक्त गरेका छन् ।
