सोलुखुम्बु । सोलुखुम्बुको खुम्बु पासाङल्हामु गाउँपालिका क्षेत्रमा पर्ने पर्यटकीय स्थल डिङ्बोचेको एक होटलमा भीषण आगलागी भएको छ। अत्यधिक हिमपात भइरहेको र चिसो अवस्थामा डिङ्बोचेको होटल गुडलकमा अचानक आगलागी सुरु भएको हो।
आगलागीका कारण होटलमा ठूलो क्षति पुगेको छ भने ग्यास सिलिन्डरहरू समेत पड्किएका छन्। बाक्लो हिमपातका कारण तत्काल आगो निभाउन र नजिक पुग्न निकै कठिन भएको स्थानीयले बताएका छन्। प्रहरीले भने आगो निभाउने प्रयास भइरहेको जनाएको छ । आगलागीको कारण र क्षतिको पूर्ण विवरण आउन बाँकी छ।
