रूसी राष्ट्रपति भ्लादिमिर पुटिनले युक्रेनमा रूसको आक्रमणपछि पश्चिमी मुलुकहरूले रूसमाथि लगाएको प्रतिबन्धका बावजुद रूसले अर्को वर्ष पनि ठूलो परिमाणमा खाद्यान्न निर्यात जारी राख्ने बताएका छन् ।
पुटिनले गतवर्ष ऐतिहासिक रूपमा १५ करोड ८० लाख टन खाद्यान्न निर्यात गरेको र योवर्ष पनि १३ करोड टनभन्दा बढी खाद्यान्न निर्यात हुने बताए । उनले रूसले गहुँ निर्यातमा विश्वमा पहिलो स्थान कायम राख्ने सम्भावना रहेको र खाद्यान्न निर्यात पनि गत वर्षको जस्तै ५–६ करोड टनभन्दा कम नहुने बताए ।
पुटिन सोभियत सङ्घपछिका केही राज्यहरूलाई भेला गर्ने संस्था ‘कमनवेल्थ अफ इन्डिपेन्डेन्ट स्टेट्स (सीआईएस)’ को बैठकमा भाग लिइरहेका थिए । सेप्टेम्बरको सुरुमा पुटिनले आफ्नो देश ६ वटा अफ्रिकी मुलुकलाई निःशुल्क खाद्यान्न उपलब्ध गराउने सम्झौताको नजिक पुगेको समेत बताएका थिए । यसका साथै मस्कोले पश्चिमले विश्वव्यापी भुक्तानी प्रणाली र बीमामा पहुँच सीमित गरेर आफ्नो अन्न र मल निर्यातमा अप्रत्यक्ष प्रतिबन्ध लगाएको गुनासो गर्दै आएको छ ।
