काठमाडौं । काठमाडौंको ठमेलस्थित नाइट क्लब एलओडीका अर्का सञ्चालक रुदिल श्रेष्ठ पनि पक्राउ परेका छन् । बालिकालाई क्लबमा प्रवेश गराएको आरोपमा उनी पक्राउ परेका हुन् ।
श्रेष्ठलाइ आज बिहान पक्राउ गरिएको ललितपुर प्रहरी प्रमुख एसएसपी सिद्धिबिक्रम शाहले जानकारी दिए । यसअघि बिहीबार सञ्चालक राजुसिंह सुवाललाई ललितपुर प्रहरीले पक्राउ गरेको थियो ।
एलओडीमा गएकी एक १५ वर्षकी बालिका बलात्कृत भएपछि क्बलमा सञ्चालकमाथि समेत प्रहरीले बालबालिका कसुरमा मुद्दा चलाएको हो । बालिकालाई ३१ जेठमा पोखराका सुदनबहादुर कोइरालाले ललितपुरको बखुण्डोलमा लगेर बलात्कार गरेका थिए । उनलाई प्रहरीले पक्राउ गरिसकेको छ ।
