विराटनगर । मोरङ प्रहरीले ३६ किलो गाँजासहित एक युवकलाई पक्राउ गरेको छ । पक्राउ पर्नेमा जहदा गाउँपालिका–२ का २५ वर्षीय मुकेश गुरुङ रहेका छन् ।
जिल्ला प्रहरी कार्यालय मोरङका डीएसपी दीपक श्रेष्ठका अनुसार नेपालबाट भारतको जोगवनीतर्फ गाँजा तस्करी हुँदै गर्दा तस्कर र प्रहरीबीच जम्काभेट भएको थियो ।
तीन जनाले गाँजा लैजाँदै गरेको अवस्थामा प्रहरीसँग जम्काभेट भएपनि प्रहरीले एकजनालाई मात्र नियन्त्रणमा लिन सफल भएको हो । बाँकी दुई जना भने प्रहरी देख्नेबित्तिकै फरार भएका थिए ।
फरार भएका दुईको खोजी भइरहेको डीएसपी श्रेष्ठले जानकारी दिए । पक्राउ परेका गुरुङलाई र अनुसन्धानका लागि इलाका प्रहरी कार्यालय रानीमा राखिएको उनले बताए ।
