युरो कपको सार्वधिक गोलकर्ता बन्न रोनाल्डो एक गोल टाढा

प्रज्जवल थापा । युरो कप, विश्वकपपछि सबैभन्दा धेरै दर्शकले हेर्ने फूटबल प्रतियोगिता । झण्डै ५ वर्षको पर्खाइपछि युरोपेली राष्ट्रहरुको सहभागिता रहने युरोकप यहि जुन १२ बाट शुरु हुँदैछ । गत वर्षनै हुनेपर्ने प्रतियोगिता कोरोना भाइरस महामारीको कारण एक वर्षपछि धकेलिएको थियो । युरोकपलाई लिएर धेरै समर्थकहरु उत्साहित छन् । युरोकपमा थुप्रै स्टार खेलाडीको सहभागिता रहनेछ । तर धेरैको नजर भने सुपरस्टार खेलाडी क्रिस्टियानो रोनाल्डोमा हुनेछ ।

पोर्चुगलका कप्तान रोनाल्डो यसपटक उपाधि रक्षा गर्ने लक्ष्यसहित प्रतियोगिताको लागि तयारी गरिराखेका छन् । २०१६ मा पोर्चुगलले फाइनललाई फ्रान्सलाई पराजित गर्दै उपाधि उचालेको थियो । तर रोनाल्डोले चोटको कारण फाइनलमा ३० मिनेटपनि खेल्न सकेनन् । रोनाल्डो पाँचौ पटक युरोकप खेल्न लागेका छन् र उनलाई यसपटक इतिहास बनाउने अवसरपनि रहेको छ ।

हालसम्म युरो कपमा ९ गोल गरिसकेका ३६ वर्षिय रोनाल्डोले यस संस्करणमा एक गोल गरेको खण्डमा प्रतियोगिताको इतिहासकै सार्वधिक गोलकर्ता बन्नेछन् । हाल रोनाल्डो र फ्रान्सका मिचेल प्लाटिनीको समान ९/९ गोल सङ्ख्या रहेको छ । यस्तै फ्रान्सकै फर्वार्ड एन्टोइन ग्रिजमनपनि सार्वधिक गोलकर्ताको सुचिमा ६ गोल सहित चौथो स्थानमा छन् ।

युरोकपमा सार्वधिक गोल गर्ने खेलाडीको सुची

यस्तै यसपटक एक गोल गरे रोनाल्डो पाँच वटा युरोकप संस्करणमा गोल गर्ने पहिलो खेलाडीपनि बन्नेछन् । २००४ मा युरोकपमा डेब्यु गरेका रोनाल्डोले २००८, २०१२ र २०१६ मा गरि कुल २१ खेल खेलिसकेका छन् ।