काठमाडौँ । पूर्व प्रधानमन्त्री एवम् जनता समाजवादी पार्टीका संघीय परिषद् अध्यक्ष डा. बाबुराम भट्टराईले अहिलेको राजनीतिक संकट पुरानो विचार, पार्टी र नेतृत्वको सामुहिक विघटनको अभिव्यक्ति भएको टिप्पणी गरेका छन् ।
आइतबार राति एक ट्वीट गर्दै डा. भट्टराईले नयाँ निर्माणका लागि पूरानो भत्कनै पर्ने बताएका हुन् । उनले अहिलेको समयले नयाँ ध्रुवीकरण खोजेको पनि उल्लेख गरेका छन् ।
मान्छे तानातान र किनबेचको तमसा नगरौँ, भेडा भेडासँग र बाख्राबाख्रासँग हुन दिउँ भन्दै उनले लेखेका छन्, ‘हातमिलाएर आआफ्नो बाटो लागौं! हिडिरहे फेरि भेटहुनेछ!’
अहिलेको राजनीतिक संकट पुरानो विचार,पार्टी र नेतृत्वको सामुहिक विघटनको अभिव्यक्ति हो।नयाॅ निर्माणनिम्ति पुरानो भत्कनैपर्छ।समयले नयाॅ ध्रुवीकरण खोज्दैछ।अत:मान्छे तानातान र किनबेचको तमासा नगरौं!भेडाभेडासंग र बाख्राबाख्रासंग हुन दिऊॅ!हातमिलाएर आआफ्नो बाटो लागौं!हिडिरहे फेरि भेटहुनेछ!
— Baburam Bhattarai (@brb1954) May 30, 2021
