काठमाडौँ । गैँडाको संख्या बढेपछि अमेरिकाले प्रशन्नता व्यक्त गर्दै नेपाललाई बधाई दिएको छ । नेपालका लागि अमेरिकी राजदूत रेण्डी बेरीले आज बिहान सामाजिक सञ्जालमार्फत् संरक्षणको क्षेत्रमा लगातारको मेहेनले नेपालमा एक सिंगे गैँडाको उल्लेख्यरुपमा बढेको भन्दै उक्त समाचारले आफूलाई धेरै खुशी तुल्याएको बताएका हुन् ।
‘संरक्षणको क्षेत्रमा नेपालले लगाताररुपमा प्रशंसनीय मिहिनेत गर्दै आइरहेको छ, एक सिंगे गैँडाको संख्या ७५२ पुगेको छ’, राजदूत बेरीले ट्विटमा भनेका छन्, ‘यसले मलाई एकदमै खुशी बनाएको छ ।’
वन्यजन्तु संरक्षणमा एक दशक लामो साझेदार रहेको अमेरिकी नियोग उक्त समाचारबाट गौरवान्वित भएको पनि राजदूत बेरीले बताएका छन् ।
उनले अमेरिकी सञ्चारमाध्यम सीएनएनको समाचारको लिंक संलग्न गर्दै भनेका छन्, ‘यो शानदार उपलब्धीका लागि हामी नेपाललाई बधाई दिन्छौँ ।’
This makes me so happy! Nepal????????continues its great conservation efforts: one-horned rhinos????are now counted at 752! As a decades-long partner in wildlife conservation, the US mission takes pride in hearing this news. We congratulate Nepal on this fantastic achievement!???? https://t.co/J0NG2RD0Lx
— Ambassador Randy Berry (@USAmbNepal) April 17, 2021
