USAID

दलहरुलाई नेपाली जनताले हेरिरहेका छन्ः पूर्वराष्ट्रपति यादव


चितवन । पूर्वराष्ट्रपति डा रामवरण यादवले राजनीतिक दलहरु जिम्मेवारपूर्ण रुपमा अघि बढ्नुपर्ने बताएका छन् । बिहीबार चितवनमा पत्रकारसँग कुरा गर्दै पूर्वराष्ट्रपति यादवले दलहरुले आआफ्नो भूमिका महत्वपूर्ण ढङ्गले निर्वाह गर्नुपर्नेमा जोड दिएका हुन् । यादवले भने, “दलहरुलाई नेपाली जनताले हेरिरहेका छन् ।”

उनले संविधान रक्षाका लागि सबैलाई जुट्न आग्रह पनि गरे । उनले भने, “म आशा गर्छु, राजनीतिक दलहरुले आआफ्नो कर्तव्य निर्वाह गर्ने छन् ।” देशलाई कसरी संविधानसम्मत चलाउने भन्ने जिम्मेवारी दलको भएको यादवले बताए । उनले भने, “हामी लोकतन्त्रमा छौँ । यसको मर्यादा, लोकतान्त्रिक मर्मअनुसार प्रतिनिधिसभालाई सञ्चालन गरेर अगाडि बढ्नुपर्छ भन्ने मलाई लाग्छ । सर्वाेच्च अदालतको प्रतिष्ठा जनताका बीचमा स्थापित भएको छ । सबै संविधानको मर्मअनुसार चलौँ ।”


CivActsAd

Leave a Reply

Your email address will not be published. Required fields are marked *