काठमाडौँ । नेपाल आयल निगमले पेट्रोलियम पदार्थको मूल्य एक साताभित्रै पुनः बढाएको छ । निगमले यसअघि माघ २८ गते बुधबार पेट्रोल, डिजेल, मट्टितेल र एलपी ग्यासमा मूल्यवृद्धि गरेको थियो ।
अन्तर्राष्ट्रिय बजारमा पेट्रोलियम पदार्थको कच्चा तेलको भाउ बढेर निगमको घाटा चुलिएकोले एक सातामा दुईपटक मूल्य वृद्धि गर्नु परेको निगमको दाबी छ । मंगलबार राति १२ बजेदेखि लागू हुनेगरी डिजेल, पेट्रोल, मट्टितेल आन्तरिक हवाई इन्धनको भाउ लिटरमा दुई रुपैयाँले बढाइएको निगमका प्रवक्ता विनितमणि उपाध्यायले जानकारी दिए ।
उपाध्यायले दिएको जानकारीअनुसार बढेको मूल्यपछि काठमाडौं उपत्यकामा पेट्रोल प्रतिलिटर ११४, डिजेल तथा मट्टितेलको ९७ र आरिक हवाई इन्धनको भाउ ६७ रुपैयाँ कायम भएको छ ।
