USAID

’अश्लील केक’ बनाएको आरोपमा इजिप्टमा एक महिलालाई ३१९ डलर जरिवाना


इजिप्टमा एकजना महिलालाई ’अश्लील केक’ बनाएको आरोपमा पक्राउ गरिएको स्थानीय सञ्चारमाध्यमहरूले जनाएका छन् । ती केकका माथिपट्टि राखिएका फोन्डेन्ट आइसिङ्मा यौनाङ्ग तथा भित्री वस्त्र जस्ता देखिने आकृति रहेका थिए र राजधानी कायरोको एउटा स्पोर्ट्स क्लबमा आयोजित जन्मदिनको समारोहमा सो केक खाइएको थियो । त्यसको फोटो भाइरल भएपछि बेकरलाई पक्राउ गरिएको थियो ।

उनलाई ३१९ डलरको जमानतमा पछि रिहा गरिएको थियो । जन्मदिनको समारोहमा उपस्थितहरूमाथि पनि कानुनी कारबाही हुनसक्ने ठानिएको छ ।

एउटा उच्च धार्मिक निकायले त्यस्ता सामग्री इस्लामले वर्जित गरेको जनाएको छ । दार अल–इफ्ताले फेसबुकमा टिप्पणी गर्दै यौन झल्काउने सामग्रीहरू ’समाजको मूल्यमान्यतामाथि प्रहार’ भएको जनाएको छ । त्यहाँको युवा तथा खेलकुद मन्त्रालयले क्लबमा भएको निजी समारोहबारे छानबिन गरिरहेको बताइएको छ ।

मानव अधिकारसम्बन्धी वकिल नेगाद एल बोराइले उक्त घटनाले राज्यको सहयोगमा अनि इजिप्टको पारिवारिक मूल्यमान्यताको बहानामा समाजमा एउटा तप्का व्यक्तिगत स्वतन्त्रता हनन गर्न उद्यत रहेको उजागर गरेको टिप्पणी गरेका छन् ।

उनले टिकटक तथा अन्य सामाजिक सञ्जालमा राखिएका भिडिओहरूलाई लिएर इजिप्टका कैयन् युवतीहरूमाथि नैतिकतासम्बन्धी अपराध गरेका आरोपहरू लाग्ने गरेका घटनासँग पछिल्लो घटनालाई जोडेर हेर्नुपर्ने बताए ।

गत मङ्गलवार एउटा पुनरावेदन अदालतले सामाजिक सञ्जालमा प्रभावशाली रहेका दुईजना (२० वर्षीया हनीन होसाम र २२ वर्षीया मवादा अल–अदाम)लाई सुनाइएको दुई वर्षको कैद सजाय उल्ट्याइदिएको थियो । अभियोजनकर्ताले उनीहरूमाथि आफ्नो जस्तै भिडिओ राख्न उक्साएर अन्य किशोरीहरूको शोषण गर्न खोजेको पनि आरोप लगाएका थिए।

 


CivActsAd

Leave a Reply

Your email address will not be published. Required fields are marked *