सुर्खेतमा कोरोना संक्रमित पुरुषको मृत्यु

  • 2
    Shares

काठमाडौं । सुर्खेतको वीरेन्द्रनगरमा एकजना कोरोना संक्रमित पुरुषको मृत्यु भएको छ । वीरेन्द्रनगर नगरपालिका वडा नम्बर ८ का ६० वर्षीय पुरुषको शनिबार बिहान प्रदेश अस्पताल सुर्खेतमा मृत्यु भएको हो ।

उनलाई यही कात्तिक २३ गते कोरोना संक्रमण पुष्टि भएको थियो । होम आइसोलेसनमा बसिरहेको बेला श्वासप्रश्वासमा कठिनाइ भएपछि उनलाई कात्तिक २४ गते राति साढे १० बजे प्रदेश अस्पताल सुर्खेतमा भर्ना गरिएको थियो ।

शरीरमा अक्सिजनको मात्रा कम हुँदै गएर उनी आज बिहान करिब ४ बजे बेहोस भएका थिए । २५ मिनेटसम्म छाती थिचेर ब्युँताउने प्रयास (सीपीआर) गर्दा पनि नसकिएपछि डाक्टरहरुले मृत घोषणा गरेका थिए ।


  • 2
    Shares

Leave a Reply

Your email address will not be published. Required fields are marked *