थप २ हजार ५०८ जनामा कोरोना संक्रमण, १७ जनाको मृत्यु

  • 2
    Shares

काठमाडौँ । नेपालमा पछिल्लो २४ घण्टामा थप २ हजार ५०८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशका विभिन्न प्रयोगशालामा गरिएको परीक्षणमा थप २ हजार ५०८ जनामा संक्रमण पुष्टि भएको हो ।

काठमाडौंमा १११३, भक्तपुरमा ४९ र ललितपुरमा १९५ जनामा संक्रमण पुष्टि भएको छ । योसँगै नेपालमा कोरोना संक्रमितको संख्या १ लाख ७० हजार ७४३ पुगेको छ । त्यसैगरी पछिल्लो २४ घण्टामा थप १७ जनाको मृत्यु भएको छ । योसँगै मृत्यु हुनेको संख्या ९३७ पुगेको छ । त्यसैगरी २४ घण्टामा २ हजार २६४ जना संक्रमित निको भएर डिस्चार्ज भएका छन् । योसँगै नेपालमा निको हुनेको १ लाख ३१ हजार २२२ संख्या पुगेको छ ।

देशभर सक्रिय संक्रमितको संख्या हालसम्म ३८ हजार ५८४ छ । मन्त्रालयका अनुसार हालसम्म पीसीआर विधिबाट १४ लाख ४३ हजार ३४३ परीक्षणहरु गरिएका छन् । २४ घण्टामा जम्मा ९ हजार २७९ पीसीआर परीक्षण भएका छन् । हालसम्म क्वारेन्टाइनमा रहनेको संख्या २ हजार ४१० जना रहेका छन् ।


  • 2
    Shares

Leave a Reply

Your email address will not be published. Required fields are marked *