काठमाडौं। यातायात व्यवसायी राष्ट्रिय महासंघका नेता सरोज सिटौलाले संघीय सरकारले गरेको भाडा समायोजनमा प्रदेश सरकार निकम्मा बनेको आरोप लगाएका छन् । कोभिड, वर्षात्का बीच दसैं-तिहारमा यात्रुलाई सुरक्षित रुपमा गन्तव्यसम्म पुर्याउनु चुनौतीपूर्ण भएको उनले बताए ।
सिटौलाले भने, “यातायातको भाडा २०६९ सालदेखिको यथावत् छ । संघीय सरकारले तीन महिना अघि नै २८ प्रतिशत भाडा समायोजन गरे पनि प्रदेश सरकारको निकम्मापनका कारण यातायात व्यवसायी तेल हाल्ने पैसा नभएर गाडी थन्काएर सडकमा आउनुपर्ने स्थिति छ ।”
उनले थपे, “हामी कति पटक हेटौंडा धाइसक्यौं । तर संघीय सरकारले असार २७ गते गरेको वैज्ञानिक अन्तर प्रदेश भाडा समायोजन हुन सकेन । त्यसैले खबरदारी गरिरहेका छौं । लकडाउनले थला परेको यातायात व्यवसाय झन् तहसनहस भएको छ । यातायात व्यवसायी पनि नेपाली नागरिक हुन् । उनीहरु संकटग्रस्त छन् । उनीहरुलाई संरक्षण गर्नु राज्यको दायित्व हो ।”
सिटौलालले कोभिड र वर्षात्का कारण दसैं–तिहारमा यात्रुलाई गन्तव्यसम्म पुर्याउनु चुनौतीपूर्ण रहेको बताए ।