काबुल । अफगानिस्तानको उत्तरी कुन्दुज प्रान्तमा तीव्र गतिमा रहेका दुई सवारीसाधन एकआपसमा ठोक्किँदा कम्तीमा चार जनाको मृत्यु भएको छ भने अन्य तीन जना गम्भीर घाइते भएका छन् ।
सिन्ह्वाका अनुसार शुक्रबार साँझ कुन्दुज प्रान्तको दश्त अबदान क्षेत्रमा टोयोटा फोररनर र विपरीत दिशाबाट आइरहेको टोयोटा कोरोला कार एकआपसमा ठोक्किएका थिए ।
दुर्घटनामा दुवै सवारीसाधनमा सवार चार जनाको घटनास्थलमै मृत्यु भएको प्रहरी अधिकारीले जानकारी दिएका छन् । दुर्घटनामा अन्य तीन जना गम्भीर घाइते भएका छन् ।
घाइतेहरूको उपचार तथा दुर्घटनाबारे थप विवरण भने समाचारमा उल्लेख गरिएको छैन ।
