पश्चिम नवलपरासी । अविरल वर्षाका कारण नारायणी नदीमा पानीको बहाव बढ्दा पश्चिम नवलपरासीको सुस्ता गाउँपालिका–५ स्थित थारुटोलामा डुबान भएको छ ।
शनिबार बिहान ८ः४० बजे नदीको बहाव बढेर बस्तीमा पानी पसेपछि सशस्त्र प्रहरी बल नेपाल, बीओपी सुस्ताको टोलीले डुबानमा परेका २५ जना स्थानीयवासी र पशुचौपायाको उद्धार गरेको हो ।
उद्धार गरिएका स्थानीयवासीलाई सोही स्थानमा रहेको होल्डिङ सेन्टरमा स्थानान्तरण गरिएको सशस्त्र प्रहरीले जनाएको छ ।
