जेनेभा । संयुक्त राष्ट्रसङ्घले सोमबार यमनका हुथी विद्रोहीहरूले आफ्नो साना कम्पाउण्डमा छापा मारेर पक्राउ परेका आफ्ना राष्ट्रिय तथा अन्तर्राष्ट्रिय कर्मचारीहरू स्वतन्त्र भएको संयुक्त राष्ट्रसङ्घले बताएको छ।
यमनमा रहेको संयुक्त राष्ट्रसङ्घको कार्यालयले शनिबार हुथी सुरक्षा फौजले शहरको परिसरमा ‘अनधिकृत प्रवेश’ गरेको बताएको छ।
संयुक्त राष्ट्रसङ्घको बालबालिका मामिला हेर्ने निकाय (युनिसेफ)का यमनका प्रतिनिधि पिटर हकिन्ससहित बीस जना कर्मचारीलाई दुई दिन पहिले नियन्त्रणमा लिइएको थियो।
संयुक्त राष्ट्रसङ्घले जारी गरेको संक्षिप्त विज्ञप्तिमा भनिएको छ, “रिहा भएका सबै अन्तर्राष्ट्रिय कर्मचारी अब सानामा रहेको संयुक्त राष्ट्र सङ्घको परिसरभित्रबाट स्वतन्त्र भएको घोषणा गरिएको छ । उनीहरू आ–आफ्ना सदस्य तथा परिवारसँग सम्पर्कमा छन् ।
“अक्टोबर १८ देखि संयुक्त राष्ट्र सङ्घको यमनी कार्यालयमा विद्रोहीको नियन्त्रणमा रहेका थिए,” उनले भने ।
“विद्रोही अन्सार अल्लाहका लडाकूहरूले सानास्थित संयुक्त राष्टसङ्घको कम्पाउन्ड खाली गरिएको छ,” हुथीहरूलाई उदृत गर्दै विज्ञप्तिमा भनिएको छ।
इरान समर्थित समूहको नियन्त्रणमा रहेको क्षेत्रमा हालैका महिनाहरूमा संयुक्त राष्ट्रसङ्घका दर्जनौं कर्मचारीहरू हुथीको कब्जामा परेका छन् ।
सेप्टेम्बरको मध्यमा, यमनमा संयुक्त राष्ट्र संघको मानवीय समन्वयकलाई आधिकारिक रूपमा हुथी विद्रोहीहरूको कब्जामा रहेको राजधानी सानाबाट अन्तर्राष्ट्रिय मान्यता प्राप्त सरकारको अन्तरिम राजधानी एडेनमा स्थानान्तरण गरिएको थियो।
दस वर्षको गृहयुद्धका कारण अरब प्रायद्वीपको सबैभन्दा गरिब देश यमन विश्वकै सबैभन्दा खराब मानवीय संकटमा परेको संयुक्त राष्ट्रसंघले जनाएको छ ।
