एजेन्सी । चौथो डिभिजनको ग्रिम्स्बीसँग पराजित हुँदै म्यानचेस्टर युनाइटेड कारबाओ कपबाट बाहिरिएको छ । बुधबार राति भएको खेलमा ग्रिम्स्बीसँग टाइब्रेकमा १२-११ गोलले पराजित हुँदै युनाइटेड प्रतियोगिताबाट बाहिरिएको हो ।
ब्लुन्डेल पार्कमा भएको खेलको निर्धारित ९० मिनेट २-२ गोलको बराबरीमा सकिएपछि पेनाल्टी सुटआउटमा पुगेको खेलमा युनाइटेडको लागि माथुस कुन्हा र ब्र्यान एम्बेउमो गोल गर्न असफल भए ।
यसअघि दोस्रो रोजाईको खेलाडी मैदान उतारेको युनाइटेड पहिलो हाफमै २-० गोलले पछि परेको थियो । दोस्रो हाफमा आफ्नो मुख्य खेलाडीलाई मैदान उतारेको युनाइटेडले अन्तिम समयमा दुई गोल गर्दै खेल पेनाल्टी सुटआउटमा पुर्याएको थियो । पहिलो हाफको २२ औँ मिनेटमा बुर्न्सको पासमा चार्ल्स भेर्नमले गोल गर्दै ग्रिम्स्बीलाई शुरूवाती अग्रता दिलाएका थिए । ३० औँ मिनेटमा भेर्नमको पासमा वारेनले गोल गर्दै घरेलु टोलीको अग्रता दोब्बर बनाए ।
७५ औँ मिनेटमा एमबयूमोले गोल गर्दै युनाइटेडलाई २-१ गोलको स्थितिमा ल्याए । यस्तै ८९ औँ मिनेटमा माउन्टको पासमा मगायरले गोल गर्दै युनाइटेलाई २-१ गोलको बराबरीमा ल्याएका थिए । बाँकी समयमा दुवै टोलीबाट थप गोल हुन नसक्दा खेल पेनाल्टी सुटआउटमा पुगेको थियो ।
