सुनसरी । सुनसरीको देवानगञ्ज गाउँपालिका–१ मा गोली चल्दा एक जना घाइते भएका छन् ।
गोली लागेर तिघ्रामा चोट लागेका घाइतेलाई उपचारका लागि विराटनगर ल्याइएको सुनसरी प्रहरीका प्रवक्ता डीएसपी चन्द्रबहादुर खड्काले जानकारी दिए । उनका अनुसार घाइतेको अवस्था र घटनाको थप विवरणबारे अनुसन्धान भइरहेको छ।
घटनामा कसले र किन गोली चलाएको भन्ने विषयमा अहिलेसम्म खुल्न सकेको छैन । प्रहरीले घटनाबारे अनुसन्धान अघि बढाएको जनाएको छ ।
घाइतेको पहिचानसमेत खुलिनसकेको प्रहरीले जनाएको छ ।
