काँक्रेविहार (सुर्खेत) । नेपाली कांग्रेसका महामन्त्री गगनकुमार थापाले कर्णाली प्रदेशमा अब नेपाली कांग्रेसको नेतृत्वमा सरकार गठन गर्ने समय आएको बताएका छन् ।
प्रदेशस्तरीय भेलालाई सम्बोधन गर्दै थापाले कांग्रेस र एमालेबीच भएको राजनीतिक सहमति कार्यान्वयन गर्ने बेला आएको उल्लेख गरे । उनले भने, “हामी कांग्रेस र एमालेबीच एउटा सहमति भएको छ । अब कर्णाली प्रदेशमा कांग्रेसको नेतृत्वमा सरकार गठन गर्ने बेला आएको छ ।”
विसं २०७९ को प्रदेशसभा निर्वाचनपछि बनेको सत्ता समीकरणअनुसार नेकपा एमालेले कर्णाली सरकारको नेतृत्व गर्दै आएको छ । कर्णाली प्रदेशमा कांग्रेसले लामो समयदेखि सरकारको नेतृत्व आफूले पाउनुपर्ने दाबी गर्दै आएको छ ।
