बीबीसी । एसिया बजारमा बिहीबार तेलको मूल्य तीव्र रूपमा बढ्दै २०२२ यताकै उच्च स्तरमा पुगेको छ । अमेरिकी राष्ट्रपति डोनाल्ड ट्रम्पलाई इरानबारे नयाँ सैन्य विकल्पहरूको ब्रिफिङ दिने तयारी भएको रिपोर्ट सार्वजनिक भएपछि बजारमा अस्थिरता बढेको हो ।
अमेरिकी सेन्ट्रल कमान्डले इरानसँगको कूटनीतिक गतिरोध तोड्न लक्षित गर्दै “छोटो र शक्तिशाली” हवाई आक्रमणको योजना तयार पारेको अमेरिकी सञ्चारमाध्यम अक्सिसले जनाएको छ । उक्त योजनामा इरानका पूर्वाधारहरूलाई लक्षित गर्न सकिने बताइएको छ ।
यस खबरसँगै ब्रेन्ट क्रुड तेलको मूल्य करिब ५ प्रतिशतले बढ्दै प्रति ब्यारेल १२४ डलर पुगेको छ, जुन रूस–युक्रेन युद्ध सुरु भएयताको सबैभन्दा उच्च स्तर हो।
अर्कोतर्फ, वेस्ट टेक्सास इन्टरमिडिएट कच्चा तेल पनि करिब २.३ प्रतिशतले बढेर १०९ डलर प्रति ब्यारेल नजिक पुगेको छ ।
ऊर्जा बजारमा तनाव थपिँदै जाँदा होर्मुज जलडमरूको अवस्था प्रमुख चिन्ताको विषय बनेको छ । उक्त महत्वपूर्ण जलमार्ग, जहाँबाट विश्वको करिब २० प्रतिशत ऊर्जा आपूर्ति हुने गर्छ, प्रभावकारी रूपमा बन्द जस्तै अवस्थामा रहेको बताइएको छ ।
रिपोर्टहरू अनुसार अमेरिकाले इरानले समुद्री मार्गमा धम्की जारी राखेमा इरानी बन्दरगाहहरू नाकाबन्दी गर्ने चेतावनीसमेत दिएको छ । इरानले पनि जवाफमा उक्त जलमार्ग प्रयोग गर्ने जहाजहरूलाई लक्षित गर्न सक्ने संकेत गरेको छ।
