काठमाडौं । काठमाडौंमा जारी साफ महिला क्लब च्याम्पियनसिप अन्तर्गत आज हुने खेलमा नेपाल एपीएफ क्लब र इस्ट बङ्गाल एफसी भिड्दैछन् । त्रिपुरेश्वरस्थित दशरथ रंगशालामा हुने खेल बेलुकी ६ बजे शुरू हुनेछ ।
दुवै टोली फाइनलमा पुगिसकेको हुनाले आजको खेलको विजेता समूह विजेता बन्नेछ । हाल इस्ट बङ्गाल तीन खेलबाट ९ अंक जोड्दै अंकतालिकाको शीर्ष स्थानमा रहेको छ भने समान खेलबाट ७ अंक जोडेको एपीएफ दोस्रो स्थानमा रहेको छ।
