सामाजिक संजाल बन्द गर्नुपर्छ, किनकी…..’

सामाजिक संजाल बन्द गर्नुपर्छ
किनकी

लुटेराहरुले देश लुटेको दुनियाँले चाल पाए !
घरघरमा बसेर पनि जनताले पैसा कमाए !

जे ‘लेख’ भन्यो त्यही लेख्थे आफ्ना पत्रकारले
आज आफ्नाले नभनेको लेख्न पाए !

न लेखेको कसैले पत्याए !
थाम्नै नसकिने भयो विरोध
हरेक मान्छेले आफूलाई पत्रकार बनाए !

भ्रष्टाचार गरेको भ्रष्टाचारै गरेकै समाचार बाहिर आए !
मान्छे बेचे मान्छे बेचेकै समाचार बाहिर आए !

हिजो ‘आइलभ यु’ भन्ने ‘लभर’ले पनि आज
‘चोर देश छोड’ भन्ने नारा लाए !

देखाउनै नमिल्ने भो अनुहार कतै

आज
मुख रुमालले छोपेर हिँड्नुपर्ने दिन आए !

-अर्जुन पराजुली

Leave a Reply

Your email address will not be published. Required fields are marked *