काठमाडौं । आईसीसी विश्वकप लिग-२ अन्तर्गत जारी खेलमा नेदरल्यान्ड्सले नेपाललाई मध्यम विजयी लक्ष्य प्रस्तुत गरेको छ । डुन्डेस्थित फोर्टहिलमा जारी खेलमा नेदरल्यान्ड्सले नेपाललाई २ सय २६ रनको विजयी लक्ष्य प्रस्तुत गरेको हो ।
टस जितेर पहिले ब्याटिङमा उत्रिएको नेदरल्यान्ड्सले ४९.१ ओभरमा अल आउट हुँदै २ सय २५ रन बनाएको हो । नेदरल्यान्ड्सका लागि नोह क्रोएस ४६, कप्तान स्कट एडवार्ड ४६, विक्रमजित सिंह ३८, जाच लियोन-काचेट २७, र रोलोफ भान डेर मेर्वे २१ र तेजा निडामानुरु १३ रनको योगदान गरे ।
नेपालको लागि सोमपाल कामीले तीन विकेट लिँदा करण केसी, सन्दीप लामिछाने र ललित राजवंशीले समान दुई/दुई विकेट लिए ।
