काठमाडौं । नेकपा माओवादीका अध्यक्ष पुष्पकमल दाहाल प्रचण्डले नेताहरु नसुध्रिए नेपालको हालत पनि श्रीलंका र बंगलादेशका जस्तो हुने बताएपछि नेकपा एमालेका नेताहरु त्यसको प्रतिवादमा उत्रिएका छन् ।
एमाले नेताहरुले प्रचण्डको यो अभिव्यक्तिलाई सत्ता छाड्नुपर्दाको बर्बराहतको संज्ञा दिने गरेका छन् । एमाले नेता गोकुल बास्कोटाले पनि पहिला स्वीट्जरल्याण्ड बनाउँछु भन्ने प्रचण्डले बंगलादेश बनाउँछु भनेर तर्साउने काम गरेको टिप्पणी गरेका छन् ।
शनिबार सामाजिक संजालमार्फत बास्कोटाले यो प्रचण्डको सत्ता गएको बर्बराहट र कर्कस मात्र भएको बताएका छन् ।
उनले भनेका छन्, ‘प्रचण्ड बंगलादेश बनाउँछु भनेर तर्साउँदै छन् । पहिला स्वीट्जरल्याण्ड बनाउँछु भन्थे । तासेलाई तासै चपाउन, जाडेलाई थाममा बाँधेर भाटा र महिला हिंसा गर्नेलाई कोरा हान्थे । आज ती क्रान्तिकारी उनैसँग छैनन् र कयौं त आफैं जाँडे, जुवाडे र महिला हिंसाका नमुना बनिसके । फगत सत्ता गएको बर्बराहट हो, उनको कर्कस ।’
