भारतको नयाँदिल्लीका मुख्यमन्त्री अरविन्द केजरीवाललाई अदालतले जमानत दिएको छ । दिल्लीको राउज एभिन्यू कोर्टले केजरीवाललाई एक लाख धरौटीमा रिहा गर्न आदेश दिएको हो ।
केजरीवालका वकिलले जमानतका लागि दिएको याचिकामा बिहीबार सुनुवाइ गर्दै जमानत दिएको हो । केजरीवाललाई मदिरा बिक्री सम्बन्धी नीतिमा घोटाला गरेको अभियोगमा इडीले गत मार्च २१ मा पक्राउ गरेको थियो ।
उनलाई पक्राउ गरी तिहाड जेलमा राखिएको थियो । हालै सम्पन्न लोक सभा चुनावका निम्ति उनले २१ दिन जमानत पाएका थिए। चुनाव सकिएलगत्तै जुन २ मा उनी पुनः जेल गएका थिए ।
