काठमाडौं । उपनिर्वाचनका लागि उम्मेदवार चयन गर्न बसेको नेपाली कांग्रेसको पदाधिकारी बैठक निष्कर्षविहीन भएको छ । पार्टी सभापति शेरबहादुर देउवाको निवासमा बसेको बैठक निष्कर्षविहीन बनेको प्रवक्ता प्रकाशशरण महतले जानकारी दिए ।
बुधबार अपरान्ह ४ बजे बस्ने पदाधिकारी बैठकले उम्मेदवारको अन्तिम टुंगो लगाउने उनले बताए।
उनले भने, ‘पार्टीभित्र धेरै उम्मेदवारहरू देखिएका छन्। सबैलाई सम्झाएर निष्कर्षमा पुग्ने भएर आज निर्णय भएन। भोलि ४ बजे बस्ने बैठकले उम्मेदवारको टुंगो लगाउने छ ।’
निर्वाचन आयोगले वैशाख १५ गते इलाम क्षेत्र नं २ र बझाङ प्रदेशसभा १ तर्फ उपनिर्वाचन गर्दैछ। त्यसका लागि चैत २४ गते मनोनयन गर्ने कार्यतालिका छ।
