पोखरा । जावलाखेल युथ क्लब आहा रारा पोखरा गोल्डकपको सेमिफाइनलमा पुगेको छ । सोमबार दिउँसो भएको क्वाटरफाइनल खेलमा चर्चित क्लब मनांङ मर्स्याङ्दी क्लबलाई पेनाल्टी सुटआउटमा ७-६ गोलले हराउँदै जावलाखेल फाइनल नजिक पुगेको हो ।
पोखरा रंगशालामा भएको खेलको निर्धारित ९० मिनेटमा १-१ गोलको बराबरीमा सकिएपछि अतिरिक्त समयमा पुगेको खेलबाट विजेताको टुंगो नलागेपछि खेल पेनाल्टी सुटआउटमा पुगेको हो ।
पहिलो हाफ गोलरहित बराबरीमा सकिएको खेलको ५५ औं मिनेटमा हिसुब थपलियाले गोल गर्दै जावलाखेललाई शुरुवाती अग्रता दिलाएका थिए । ८९ औं मिनेटमा राजेश परियारले मनागको लागि गोल फर्काएपछि खेल अतिरिक्त समयमा पुगेको थियो ।
