चलचित्र निर्माता संघ र चलचित्र संघबीच शेयर बाँडफाँटमा सहमति

काठमाडौं । चलचित्र निर्माता संघ र नेपाल चलचित्र संघबीच शेयर बाँडफाँटमा सहमति जुटेको छ । चलचित्र प्रदर्शनवापतको आयमा हुने बाँडफाँटमा दुई संघबीच सहमति जुटेको हो ।

चलचित्र दिमाग खराबको टिमले हिन्दी फिल्मले पाए जस्तै ५० प्रतिशत शेयर पाउनुपर्ने भन्दै विद्रोह गरेपछि दुवै संघबीच वार्ता भएको थियो । सहमतिअनुसार अब शेयर ५०–५० प्रतिशत बाँडफाँट हुने भएको छ ।

चलचित्र संघका अध्यक्ष वीरेन्द्रनारायण श्रेष्ठ र चलचित्र निर्माता संघका अध्यक्ष नवल खड्काले सहमति पत्रमा हस्ताक्षर गरेका छन् । यो सहमतिपछि निर्माताहरूले प्रत्यक्ष रुपमा फाइदा पाउने भएका छन् ।

सहमतिअनुसार फिल्म ‘दिमाग खराब’ रिलिज भएको मिति कात्तिक २४ गतेदेखि नै यो व्यवस्था लागू गर्न दुवै पक्ष सहमत भएका हुन् । सबै स्वदेशी फिल्मले यो सुविधा पाउनेछन् ।

Leave a Reply

Your email address will not be published. Required fields are marked *