काठमाडौँ । प्रधानमन्त्री पुष्पकमल दाहाल ‘प्रचण्ड’ले आज दोस्रो ‘भ्वाइस अफ ग्लोबल साउथ समिट’लाई सम्बोधन गर्ने भएका छन् ।
भारतीय प्रधानमन्त्री नरेन्द्र मोदीले आयोजना गरेको सम्मेलनलाई प्रधानमन्त्रीले ‘भर्चुअल’ रूपमा सम्बोधन गर्ने परराष्ट्र मन्त्रालयले जनाएको छ ।सम्मेलनलाई भारतीय प्रधानमन्त्री नरेन्द्र मोदीलगायत विभिन्न देशका सरकार प्रमुखले सम्बोधन गर्ने कार्यक्रम छ । उक्त सम्मेलनको मुख्य विषय ‘विश्वव्यापी दक्षिणः भविष्यका लागि सहकार्य’ रहेको छ ।
