नयाँ मागमा तीव्र गिरावट आएपछि विश्लेषकहरूले अपेक्षा गरेभन्दा बढीले अक्टोबरमा अमेरिकी उत्पादन गतिविधिमा सङ्कुचन आएको सर्वेक्षण तथ्याङ्कले देखाएको छ ।
आपूर्ति व्यवस्थापन इन्स्टिच्युट (आईएसएम) को उत्पादन सूचकाङ्क गत महिना ४६ दशमलव ७ प्रतिशतमा झरेको थियो, जुन सेप्टेम्बरमा ४९ प्रतिशत थियो । यो मार्केटवाचद्वारा सर्वेक्षण गरिएका अर्थशास्त्रीहरूको औसत अपेक्षाभन्दा निकै कम हो । यसले विनिर्माण गतिविधि ५० प्रतिशत सीमाभन्दा तल रहेको सङ्केत गरेको छ ।
यसले उत्पादन क्षेत्रको वृद्धिमा आएको ह्रासलाई सङ्केत गर्दछ । यो सङ्कुचनको लगातार १२ औं महिना हो र यो वर्षको जुलाई पछिको सबैभन्दा कम मासिक आँकडा हो । आईएसएमका सर्वेक्षण प्रमुख टिमोथी फियोरले अमेरिकी उत्पादन क्षेत्र अक्टोबरमा पनि सङ्कुचित र तीव्र दरमा घट्ने क्रम जारी रहेको बताए ।
