एजेन्सी ।अर्जेन्टिनी सुपरस्टार खेलाडी लियोनल मेस्सीको कप्तानीमा रहेको इन्टर मियामीले लिग्स कपको उपाधि जितेको छ । आइतबार बिहान भएको फाइनल खेलमा नाश्भिले एससीलाई पेनाल्टी सुटआउटमा १०-९ गोलले हराउँदै मियामीले उपाधि जितेको हो ।
निर्धारित ९० मिनेट १-१ गोलको बराबरीमा सकिएपछि पेनाल्टी सुटआउटमा पुगेको खेलमा मियामी विजयी भएको हो । यसअघि खेलको २३ औं मिनेटमा मेस्सीले गोल गर्दै मियामीलाई शुरुवाती अग्रता दिलाएका थिए । ५७ औं मिनेटमा फाब्रिके पिकाउटले गोल गर्दै नाश्मिलेलाई १-१ गोलको बराबरीमा ल्याएका थिए ।
बाँकी समयमा दुवै टोलीबाट थप गोल हुन नसक्दा खेल पेनाल्टी सुटआउटमा धकेलिएको हो । यसै सिजन मियामीमा अनुबन्ध भएका मेस्सीको क्लबबाट यो पहिलो उपाधि हो ।
