काठमाडौं । विवादित अभिव्यक्ति दिएको आरोपमा बुधबार दिउँसो पक्राउ परेकी अधिवक्ता भगवती पाण्डेलाई प्रहरीले रिहा गरेको छ । जिल्ला अदालत काठमाडौंले पाण्डेलाई हिरासतमा राख्न अनुमति नदिएपछि प्रहरीले रिहा गरेको हो ।
जातीय विभेदसम्बन्धी कसुरमा पक्राउ परेकी पाण्डेलाई प्रहरीले बुधबार म्याद थपका लागि काठमाडौं जिल्ला अदालत उपस्थित गराएको थियो । तर अदालतले हिरासतमा राखेर अनुसन्धान गर्न नपर्ने भन्दै म्याद थप नगरेपछि उनी बुधबार साँझ नै रिहा भएकी हुन् ।
पाण्डेले एक टेलिभिजन अन्तर्वार्तामा मुस्लिम, मगर, तामाङलगायत समुदायमा दाजुबहिनीबीच विवाह हुने विवादास्पद अभिव्यक्ति दिएको भन्दै उजुरी परेको थियो ।
